Bicol – Lumagda sa isang kasunduan ang island province ng Catanduanes sa Singapore technology group kaugnay ng problema ng rehiyon sa waste disposal at energy.
Pinirmahan na ng opisyales ng Catanduanes kasama na ang kanilang lone district Representative na si Hector Sanchez ang memorandum of understanding kasama ang green energy specialist Asia Pacific Renewable Energy Solutions Inc. at Singapore Management Consultancy.
Sa ilalim ng naturang MOU, magdadala ang Asia Pacific Renewable Energy Solutions Inc. at Singapore Management Consultancy sa probinsya ng emissions standard ng Singapore para sa konbersyon ng solid waste mula sa landfill na maging kuryente.
Giit naman ni Mr. Rafael Javier Eubra, President-CEO ng Opus Strategic Business Group , 36 taon na ang kanilang karanasan sa industriya ng enerhiya.
“What we want to bring in is a technology that can address a lot of fundamental issues related to the basic necessities faced by the Philippines today,” ani Eubra.
Dagdag pa ni Eubra, isa sa mga disenyo ng Asia Pacific Renewable Energy Solution ay iniendorso ng Department of Environment and Natural Resources (DENR) at may pagpayag ng National Power Corporation (Napocor).
“We get endorsements from these government agencies. So, with the MOU, we are to build a power plant—a waste-to-energy power plant—in Catanduanes,” paliwanag ni Eubra.
Aniya, ang mga pasilidad na ilalagay sa Catanduanes ay iba sa mga power plant na pinatatakbo ng petrol o coal.
“What we use in our power plant is solid waste and convert it to electricity.” Remate News Team
Leave a Comments